2025-yil 21 va 22 iyun kunlari Londondagi eng go’zal joylardan birida — Tower ko’prigi yaqinida — «Uzbek Culture and Food Festival» xalqaro festivali bo’lib o’tadi. Ushbu festival O’zbekistonning turizm salohiyati, madaniyati va gastronomiyasiga bag’ishlanadi.
Festival doirasida 23-iyun kuni Londonda turizm forumi tashkil etiladi, unda O’zbekistonning turizm salohiyati taqdimotlari, sanoatning asosiy vakillari bilan uchrashuvlar va Buyuk Britaniyaning yetakchi turistik kompaniyalari bilan B2B muzokaralar o’tkaziladi.
Ushbu tadbirlar nafaqat O’zbekistonning boy turizm va madaniy merosini va uning gastronomiyasining xilma-xilligini namoyish etish, balki turizm sohasidagi biznes aloqalarni mustahkamlashga, davlatlar o’rtasidagi turistik oqimni oshirishga yordam beradi.
Qiziqqan turkompaniyalar va tashkilotlarni tadbirlarda ishtirok etishga taklif qilamiz. Qo’shimcha ma’lumot olish uchun (+998 78) 129-09-90 telefon raqamiga yoki foreignprojects@nationalprcentre.com elektron pochta manziliga murojaat qilishingizni so’raymiz.
Ariza topshirish muddati: 2025-yil 20-may